रंगला सखे कसा ?

खेळताना खेळ हा, रंगला सखे कसा ?

शब्द शब्द आज रे, गुंफला सखे कसा?

मांडला हा डाव का? आज तू सखे कसा?

अक्षराक्षर दावतो..सखे तुझाच आरसा...

दडवून तू का ठेवते..बंध हा सखे कसा..?

लपवून हि ना लपे..छंद हा  माझा असा..

मी मुरारी नांदतो..नयनात रे सखे असा..

जाणीव जागे अंतरी..नवचेतना सखे जसा..

शाहऱ्यात का मी उभा, सांग ना सखे कसा?

श्वासातही दाटून मी ..सांग ना येतो कसा?

उरात मीच स्पंदतो..दाटतो सखे कसा?

हवाहवासा वाटतो.सहवास हा सखे कसा?

संवेदनाही साठूनी..ध्यास हा मनी असा..

नाते हवे जन्मास हे..भाव हा नयनी कसा?

आवडे का मी तुला..आहे असा आहे जसा..?

रोज का सखे असा जपते सखे का वारसा?

@ओम(अमोल२२कर)